ຢາກຮູ້ວິທີນຳໃຊ້ເຄື່ອງ GPSMAP 76CSx

[AAC]

ມີເຄື່ອງ GPSMAP 76CSx ແຕ່ບໍ່ຮູ້ການນຳໃຊ້ມັນ ແລະ ຢາກຖາມຜູ້ຮູ້ທີ່ເຄີຍໃຊ້ເຄື່ອງຍີ່ຫໍ້ດັ່ງກ່າວໂດຍສະເພາະແມ່ນ ອ້າຍພະນົມສິນ ຜູ້ທີ່ມີປະສົບການໃນການນຳໃຊ້

[duong]

ມັນໃຊ້ກ່ຽວກັບຫຍງັລະ? 

[PPPP]

ທຸກຄຳຖາມເວັບນີ້ມີຄຳຕອບ 

ເຄື່ອງ GPS ແມ່ນເຄື່ອງບອກວ່າ ເຮົາຢູ່ຕຳແຫນ່ງໃດຂອງໂລກ
ລະບົບຕຳແຫນ່ງຂອງໂລກ ແມ່ນເຮົາໃຊ້ລະບົບແຜນທີ່ ເປັນຕົວບອກ
ໃນເຄື່ອງ GPS ມັນຈະບອກຕຳແຫນ່ງເຮົາ ເປັນ 2 ລະບົບຫລັກໆ ແຕ່ສາມາດປ່ຽນເອງໄດ້
ລະບົບ 1 ແມ່ນ ບອກ ອົງສາ
ລະບົບ 2 ບອກຕຳແຫນ່ງ ແບບແມັດ NE
ອັນນີ້ ໃຜທີ່ຮູ້ວິຊາແຜນທີ່ຈະເຂົ້າໃຈດີ

ລອງ download Google earth ມາໃຊ້ລອງເບິ່ງ ຈະເຂົ້າໃຈດີຂຶ້ນ ເລື້ອງຕຳແຫນ່ງຈຸດພິກັດເນາະ

ວິທີການໃຊ້ເຄື່ອງ



ຖ້າເຄື່ອງບໍ່ທັນຖືກໃຊ້ຈັກເທື່ອ ຫລື ຍ້າຍມັນມາໄກ ແມ່ນຕ້ອງໃຫ້ມັນ ເສຍເວລາຄົ້ນຫາຕຳແຫນ່ງຕົວເອງ ຈັກ ຊົ່ວໂມງຫນຶ່ງ ໂດຍການເປີດເຄື່ອງ ແລ້ວ ວາງໄວ້ບ່ອນທ້ອງຟ້າປອດໂປ່ງ ບໍ່ມີຫຍັງບັງ ດີແທ້ແມ່ນເດີ່ນ ທົ່ງນາ ເດີ່ນເຕະບານ...
ຖ້າເຄື່ອງມັນບອກວ່າ ມັນຢູ່ປະເທດລາວ ບອກວັນທີ ບອກໂມງທີ່ຖືກຕ້ອງ ແປວ່າ ໃຊ້ການໄດ້.

ທົດລອງໃຊ້

ລອງຈັບຍ່າງ ຫລື ຂີ່ລົດແຕ່ຫ້ອງການເມືອເຮືອນ ຫລື ແຕ່ເຮືອນເມືອຫາຫ້ອງການ
ເຄື່ອງຈະແຕ້ມແຜນທີ່ການເດີນທາງຂອງເຮົາໃຫ້ອັດຕະໂນມັດ
ເຊັ່ນ ສົມມູດ ທ່ານອອກຈາກຫ້ອງການໄປ ແລ່ນທາງທາງຊື່ ຈາກນັ້ນ ລ້ຽວຂ້າຍ ລ້ຽວຂວາ ແວະເຂົ້າຮ້ານນ້ອຍ ແລ້ວຈຶ່ງກັບເມືອເຮືອນ
ແລ້ວເມຍທ່ານກໍ່ຈັບ GPS ອອກມາເປີດເບິ່ງ ເຫັນວ່າ ເສັ້ນທາງ ຂອງທ່ານ ໄປແວ່ຮ້ານນ້ອຍ ບອກເວລາອີກ ວ່ານັ້ງຢູ່ຫັ້ນຈັກຊົ່ວໂມງ
ແລ້ວທ່ານອາດຈະຕ້ອງຫາຄຳແກ້ຕົວທີ່ມັນຟັງຂຶ້ນ 

ຈາກນັ້ນ ກໍ່ທຳການບັນທຶກຈຸດ ແລ້ວ save ໃສ່ຊື່ວ່າ AAChouse ເມື່ອໄປຮອດຫ້ອງການ ກໍ່ save ຕຳແຫນ່ງຫ້ອງການ
ບັນດາຈຸດເຫລົ່ານັ້ນ ກໍ່ຈະເຂົ້າໄປຢູ່ໃນແຜນທີ່ ເຂົ້າໃຈວ່າລູ້ນນີ້ມີແຜນທີ່ໃນຕົວແລ້ວ

ເອົາເທົ່ານີ້ກ່ອນ ໄປອ່ານຄູ່ມືນຳໃຊ້ກ່ອນ ຖ້າບໍ່ມີ ກໍ່ດາວໂຫລດມາອ່ານ
ສົນໃຈຫຍັງຕື່ມ ກໍ່ຖາມມາ

ຖ້າຕ້ອງການໃຫ້ໄປສອນ ກໍ່ລາຍງານທ່ານຫົວຫນ້າສຸມຸນທາ ເດີ້

[AAC]

ຂອບໃຈເດີອ້າຍພະນົມສິນທີ່ໃຫ້ຄຳແນະນຳ

[duong]

ເຄື່ອງມືນີ້ເຄີຍເຫັນພະນັກງານໄຟຟ້າໃຊ້ຢູ່, ແຕ່ຫາກໍ່ຮູ້ຈັກວ່າມັນໃຊ້ໄວ້ເຮັດຫຍັງມື້ນີ້ລະ 

[PPPP]

ພວກເຮົາໃຊ້ມັນເຮັດຫລາຍຢ່າງ ສ່ວນຫລາຍແມ່ນກ່ຽວກັບການອອກແບບເບື້ອງຕົ້ນ ເຊັ່ນ ປະເມີນລວງຍາວສາຍຕາຂ່າຍ
ວັດແທກລະດັບທຽບໃສ່ຫນ້ານ້ຳທະເລ ຂອງຈຸດທີ່ຈະຕັ້ງເສົາ

ແລະ ໃຊ້ໃນການເກັບຈຸດເສົາ ແລ້ວໂອນໄປໃສ່ແຜນທີ່ ຈະໄດ້ແຜນທີ່ ທີ່ມີຈຸດເສົາໄຟຟ້າພ້ອມ

ລາຍລະອຽດ ຢູ່ທີ່ ໂຄງການເກັບກຳຂໍ້ມູນຕາຂ່າຍໄຟຟ້າ

ສຳລັບນັກທ່ອງທ່ຽວ ນັກເດີນທາງ ແມ່ນໃຊ້ຄວບກັບແຜນທີ່ ໃນການນຳທາງ ບໍ່ໃຫ້ຫລົງທາງ

[AAC]

ທົດລອງໃຊ້

ລອງຈັບຍ່າງ ຫລື ຂີ່ລົດແຕ່ຫ້ອງການເມືອເຮືອນ ຫລື ແຕ່ເຮືອນເມືອຫາຫ້ອງການ
ເຄື່ອງຈະແຕ້ມແຜນທີ່ການເດີນທາງຂອງເຮົາໃຫ້ອັດຕະໂນມັດ
ເຊັ່ນ ສົມມູດ ທ່ານອອກຈາກຫ້ອງການໄປ ແລ່ນທາງທາງຊື່ ຈາກນັ້ນ ລ້ຽວຂ້າຍ ລ້ຽວຂວາ ແວະເຂົ້າຮ້ານນ້ອຍ ແລ້ວຈຶ່ງກັບເມືອເຮືອນ
ແລ້ວເມຍທ່ານກໍ່ຈັບ GPS ອອກມາເປີດເບິ່ງ ເຫັນວ່າ ເສັ້ນທາງ ຂອງທ່ານ ໄປແວ່ຮ້ານນ້ອຍ ບອກເວລາອີກ ວ່ານັ້ງຢູ່ຫັ້ນຈັກຊົ່ວໂມງ
ແລ້ວທ່ານອາດຈະຕ້ອງຫາຄຳແກ້ຕົວທີ່ມັນຟັງຂຶ້ນ 

ຢາກຖາມຕື່ມອີກວ່າ ເຮົາຕ້ອງເຂົ້າໄປເລືອກເອົາເມນູໃດຈິ່ງຈະໄດ້ຕາມຄຳແນະນຳຂ້າງເທີງນັ້ນ

[PPPP]

ກ່ອນອື່ນຕ້ອງເປີດເຄື່ອງກ່ອນ ແລ້ວເດີນທາງ ໄປປົກກະຕິ
ຢ່າໃຫ້ສັນຍານຂາດຫາຍ ເອົາອອກຈາກຖົງ ໄວ້ກະຕ່າລົດກໍ່ໄດ້ ບໍ່ໃຫ້ມີແນວບັງ
ຖ້າຂີ່ລົດໃຫຍ່ ໃຫ້ໃຊ້ສາຍອັງແຕນ ຫລືບໍ່ກໍ່ເອົາວາງຫນ້າແວ່ນລົດ

ຈາກນັ້ນ ກົດທີ່ ປຸ່ມ Page ຫລາຍໆ ເທື່ອ ມັນຈະເປີດຫນ້າ ອອກມາເທື່ອລະຫນ້າ ສຸດແລ້ວກໍ່ກັບມາເປີດຄືນອີກຫນ້າເກົ່າ

ເລີ້ມຈາກ GPS information page > Map page > Pointer page > High way page > Active route page

ອັນທີ່ຕ້ອງໃຊ້ກວດ ເສັ້ນທາງ ແມ່ນຫນ້າ Map page ເວລາເບິ່ງກໍ່ໃຊ້ Zoom in - Zomm out ເພື່ອປັບມາດຕາສ່ວນໃນການເບິ່ງ

[AAC]

ຍັງງົງຢູ່. ຢາກຮູ້ວ່າຫລັງຈາກເວລາເຮົາເປີດເຄື່ອງຂື້ນມາແລ້ວເຮັດແນວໃດຈິ່ງຈະຮູ້ວ່າໃນເວລາທີ່ເຄື່ອງຮັບສັນຍານໄດ້ວ່າເຮົາຢູ່ຈຸດໃດ ແລະ ເຄື່ອງມັນຈະແດງຂໍ້ຄວາມແນວ

[PPPP]

ລອງໄປທີ່ຫນ້າ map page ແລ້ວ Zoom out ໄປ ຈະເຫັນແຜນທີ່ແຂວງ Zoom ຕໍ່ໄປເລີຍໆຈະເຫັນເປັນແຜນທີ່ໂລກ

[AAC]

ໄດ້ຍິນວ່າມີປື້ມຄູ່ມືທີ່ເປັນພາສາລາວແມ່ນບໍ່
 ຢາກໄດ້ຖ້າມີຂໍແດ່ເດີ ເພາະບໍ່ເກັ່ງພາສາອັງກິດອ່ານແລ້ວບໍ່ຄ່ອຍຈະເຂົ້າໃຈປື້ມຄູ່ມືທີ່ມາກັບເຄື່ອງ

[PPPP]

ຈະລອງຖາມເບິ່ງກ່ອນ ວ່າມີບໍ່

[AAC]

ເປີດເຄື່ອງແລ້ວເອົາໄປວາງໄວ້ກາງເດີ່ນບານທີ່ບໍ່ມີຫຍັງປິດບັງ ເປີດໄດ້ປະມານຊົ່ວໂມງກັບໄປເບິ່ງມັນຄືບໍ່ໂຊຕຳແຫນ່ງຂອງມັນຢູ່ເຊິ່ງຢູ່ຫນ້າຈໍເຫັນແຕ່ແບບນີ້
Location   48     Q 0310836
ບວກລົບ 6  UTM     2152499

[PPPP]

http://forum.pnomsin.com/index.php?topic=130.0

ຈາກພາບຂ້າງເທິງນີ້ ເຫັນວ່າ
ຄ່າພິກັດ ແຜນທີ່ (coordinate ) ຂອງ ຟຟລ-ຊລ ທີ່ສະແດງເປັນ ຄ່າແບບອົງສາ ແມ່ນ 19 ອົງສາ 27'28" N, 103 ອົງສາ 11'52" E

ສ່ວນຄ່າທີ່ທ່ານໃຫ້ມາ ແມ່ນເປັນການສະແດງຜົນແບບ UTM Grid. ຫລັງຈາກແປງຄ່າ ແບບອົງສາມາເປັນແບບ grid ໄດ້coordinate ດັ່ງນີ້

48Q Easting 310816
Northing 2152472

ເຊິ່ງມີຄ່າໃກ້ກັນ ກັບຄ່າທີ່ທ່ານໃຫ້ມາ ຜິດດ່ຽງກັນ ປະມານ 20 ແມັດ ສະແດງວ່າ GPS ບອກຄ່າ ຖືກແລ້ວ
ຖ້າທ່ານໄປຕັ້ງ GPS ໃຫ້ສະແດງຜົນເປັນອົງສາ ມັນຈະມີຄ່າດຽວກັນກັບ ໃນ Google earth

http://forum.pnomsin.com/index.php?topic=240.0

[PPPP]