ຢາກຖາມຄົນທີ່ຮຽນໄຟຟ້າ

[ACSR]

ຂໍຄວາມເຫັນນຳທຸກທ່ານທີ່ຮຽນວິຊາໄຟຟ້າ
ຂໍຖາມວ່າ ທ່ານຮຽນໄຟຟ້າໄດ້ແນວໃດ ເປັນຫຍັງຈຶ່ງເລືອກຮຽນໄຟຟ້າ
ທ່ານພູມໃຈກັບວິຊາສະເພາະນີ້ຊ່ຳໃດ

[AAC]

ສ່ວນເຮົາແມ່ນໄດ້ທືນຂອງລັດ ບໍ່ໄດ້ເລືອກຮຽນແຕ່ມີທືນມາຕ້ອງໄດ້ຮຽນ
ຖາມວ່າມີຄວາມພູມໃຈກັບວິຊາສະເພາະບໍ່? ພູມໃຈທີ່ທີ່ສຸດທີ່ໄດ້ຮຽນວິຊານີ້ເພາະມັນເປັນວິຊາໜື່ງທີ່ສຳຄັນ ເພາະວ່າປະເທດຊາດຂອງພວກເຮົາຍັງເປັນປະເທດທີ່ຍັງດ້ອຍພັດທະນາ.ໂດຍສະເພາະ ແມ່ນວຽກງານການຂະຫຍາຍໄຟຟ້າອອກສູ່ຊົນນະບົດຊື່ງແມ່ນວຽກງານໜື່ງທີ່ພັກ-ລັດຖະບານຖືເປັນສຳຄັນ.ສະນັ້ນ ຂ້າພະເຈົ້າແມ່ນພູມໃຈທີ່ສຸດທີ່ໄດ້ປະກອບສ່ວນເຂົ້າໃນວຽກງານນີ້

[ACSR]

ຂ້າພະເຈົ້າບໍ່ເຄີຍຄິດວ່າຈະຮຽນໄຟຟ້າມາກ່ອນ ບໍ່ເທົ່ານັ້ນ ຍັງບໍ່ຮູ້ວ່າຈະຮຽນຕໍ່ວິຊາຫຍັງອີກຊ້ຳ
ຕອນຮຽນອ3 (ມ6) ພໍ່ບອກໃຫ້ໄປຮຽນເພີ້ມ ວິຊາພຶດຊະຄະນິດ, ໄຕມູມ (trigonometry), ວັດຖຸ(physics)
ຄະແນນວິຊາພວກນີ້ ກໍ່ເລີຍດີກວ່າວິຊາອື່ນທີ່ບໍ່ໄດ້ຮຽນພິເສດ
ຮອດຕອນຂຽນໃບສະເຫນີຮຽນຕໍ່ ພໍ່ເລີຍບອກອີກ ວ່າໃຫ້ຂຽນວ່າ 1 ໄປຮຽນແພດ, 2 ໄປຮຽນວິຊາເຄຫາ (ສະຖາປັດ) ແລະ 3 ວິສະວະກອນຫຍັງກໍ່ໄດ້

ຜົນການສອບເສງຈົບອຸດົມ ຄະແນນເລກ (ພຶດຊະຄະນິດ+ເລຂາຄະນິດ+ໄຕມູມມິຕິ) ມາອັນດັບ1 ເສັດຄັກໆບໍ່ໄດ້ເປັນແພດເປັນຫມໍແລ້ວ
ຮອງລົງມາຄະແນນphysics ໄປຮຽນສາຍວິສະວະແນ່ແລ້ວ
ຄະແນນເຄມີ ທີ່ເຄີຍວ່າໄດ້ດີ ຄະແລດໄດ້ຫມາກ6 (6/10) ແນ່ນອນແລ້ວ ຕ້ອງຖືກສາຍວິສະວະ

ແລະແລ້ວ ຜົນການປະກາດການຊັບຊ້ອນ ກໍ່ອອກມາ ຂ້າພະເຈົ້າຕ້ອງຮຽນໄຟຟ້າ
ຂຽນເທົ່ານີ້ ກ່ອນ ແລ້ວຈະມາຂຽນຕື່ມ ຖ້າອ່ານຄວາມເຫັນຂອງຄົນອື່ນໆກ່ອນ