ຕໍ່ຈາກຕອນທີ1 ມື້ທີ່ເພິ່ນກຳນົດໃນບັດເຊີນ ເປັນມື້ທີ່ທາງກະຊວງ ເພິ່ນເປີດການແຂ່ງຂັນກິລາ
ຫລາຍຄົນໄປຫັ້ນ ແລະ ບໍ່ມີໃຜໄປງານເປີດຕົວສິນຄ້າ
ຂ້າພະເຈົ້າ ໄປຖາມຫາກ້ອງຖ່າຍຮຸູບ ຢູ່ບ່ອນແຂ່ງກິລາ ພົບຫລາຍຄົນ ຊວນມາ ເພິ່ນບໍ່ມາ
ແຕ່ລະຄົນ ເປັນແຟນກິລາພັນແທ້ ບໍ່ມີແຟນໄອທີຈັກຄົນ
ຂ້າພະເຈົ້າ ເລີຍໄດ້ໄປຄົນດຽວ
ເວລາ 13:00 ເປັນເວລາທີ່ເພິ່ນກຳນົດໃນຊອງບັດເຊີນ ທີ່ສະຫະພັນແມ່ຍິງ ຫນ້າໂຮງຮຽນລັດຕະນະ ທຸກຢ່າງງຽບ ຈົນຫນ້າສົງໄສ
ຂ້າພະເຈົ້າ ເຫັນແຕ່ພະນັກງານຝາກລົດຄົນດຽວ ທີ່ພໍຈະໃຫ້ຂໍ້ມູນໄດ້ ເລີຍຖາມເພິ່ນວ່າ ເພິ່ນຈະຈັດເປີດຕົວສິນຄ້າຢູ່ນີ້ ເວລານີ້ ເປັນຫຍັງຄືງຽບ
ພະນັກງານຝາກລົດ ບອກໃຫ້ໄປອ່ານຢູ່ກະດານ ເຫັນເພິ່ນຂຽນບາງຢ່າງໄວ້ຫັ້ນຢູ່ ອ່ານເບິ່ງເດີ້ ແມ່ນງານດຽວກັນບໍ່
ໃນກະດານຂຽນວ່າ ບໍລິສັດລາວຫວຽດ ຊັ້ນ 3, ແມ່ນແລ້ວ, ເລີຍມາຝາກລົດ ເອົາປີ້ ແລ້ວຍ່າງໄປທີ່ອາຄານ 3ຊັ້ນ
ຢູ່ຊັ້ນລຸ່ມ ຂ້າພະເຈົ້າ ຫວັງວ່າຈະພົບກັບປ້າຍບອກທາງ ວ່າມີງານຢູ່ໃສ ຊັ້ນໃດ, ແຕ່ກໍ່ບໍ່ພົບ ມີພຽງແຕ່ ປ້າຍເປົ່າໆ ບໍ່ມີຫຍັງຂຽນໄວ້.
ຂ້າພະເຈົ້າ ຍ່າງຂຶ້ນໄປເທິງຕຶກ ທີ່ງຽບສະຫງັດ ຈົນຮອດໄປຮອດຊັ້ນທີ3. ຢູ່ຫັ້ນ ພົບໂຕະ2ຫນ່ວຍ ຄາດວ່າ ຈະເປັນບ່ອນໃຫ້ລົງທະບຽນ
ເປັນໂຕະເປົ່າໆ ບໍ່ມີຄົນ ບໍ່ມີເຈ້ຍ.
ຂ້າພະເຈົ້າ ຢືນຫລິ້ນ ຊົມວິວຈາກລະບຽງອາຄານຊັ້ນ 3 ຈົນຮູ້ສຶກເມື່ອຍແດ່ ຮ້ອນແດ່ ເລີຍລອງໄຂປະຕູເຂົ້າໄປ ...
ໂປດຕິດຕາມຕອນຕໍ່ໄປ
