ສ້າງລາຍຮັບ 40 ລ້ານ ໃຫ້ຄອບຄົວ ຈາກການຂາຍໜາກເລັ່ນ

[PPPP]

              ທ້າວ ຄຳຜີວ ວົງພະຈັນ ປະຊາຊົນບ້ານທ່າແຂກ ເມືອງຫາດຊາຍຟອງ ນະຄອນຫຼວງວຽງຈັນ ເປັນຄອບຄົວ
ໜຶ່ງທີ່ອາໄສການປູກຜັກຂາຍສູ່ທ້ອງຕະຫຼາດ ເຊິ່ງປີໜຶ່ງສາມາດສ້າງລາຍຮັບເຂົ້າຄອບຄົວໄດ້ປະມານ 40 ລ້ານກີບ.
               ອີງຕາມຄຳເວົ້າຂອງທ້າວ ຄຳຜີວ ວົງພະຈັນ ເຊິ່ງໄດ້ກ່າວວ່າ: ຂ້າພະເຈົ້າໄດ້ເລີ່ມອາຊີບເປັນຊາວກະສິກອນ
ມາໄດ້ພຽງແຕ່ 2 ປີເທົ່ານັ້ນ ໂດຍໄດ້ຫັນມາປູກໝາກເລັ່ນຄ້າງໃສ່ເນື້ອທີ່ທັງໝົດ 3 ໄລ່ ເຫັນວ່າຜົນໄດ້ຮັບແມ່ນດີພໍສົມຄວນ
ຂ້າພະເຈົ້າລົງທຶນໃສ່ການປູກໝາກເລັ່ນ 1 ຄັ້ງ ແມ່ນ 1.000.000 ກີບ ແລະ ປະມານ 2-3 ເດືອນ ກໍສາມາດເກັບຜົນຜະ
ລິດອອກຂາຍສູ່ທ້ອງຕະຫຼາດໄດ້ ໂດຍສາມາດເກັບໝາກເລັ່ນໄດ້ 2 ມື້ຕໍ່ໜຶ່ງຄັ້ງ ເຊິ່ງຈະມີແມ່ຄ້າມາຮັບເອົາໃນລາຄາ5.000
ກີບ/1 ໝື່ນ ລາຄານີ້ຈະຂຶ້ນກັບສະພາບທ້ອງຕະຫຼາດທີ່ຮອງຮັບ ສະຫຼຸບແລ້ວໃນແຕ່ລະປີ ຂ້າພະເຈົ້າສາມາດປູກໝາກເລັ່ນ
ຂາຍໄດ້ປະມານ 40 ລ້ານກີບ.
               ທ້າວ ຄຳຜີວ ຍັງໄດ້ກ່າວອີກວ່າ ໃນຕໍ່ໜ້າເລື່ອງຂະຫຍາຍເນື້ອທີ່ຍັງບໍ່ທັນຄິດ ແຕ່ຈະພະຍາຍາມລົງທຶນໃສ່ເນື້ອ
ທີ່ປູກຝັງທີ່ມີ ແລະ ຈະໄດ້ເຮັດການປູກຝັງແບບໝູນວຽນ ໂດຍຈະໄດ້ປູກພືດຜັກຫຼາຍຊະນິດສະຫຼັບກັນໄປ ເພື່ອເສີມລາຍໄດ້
ໃຫ້ຄອບຄົວອີກ ສ່ວນເລື່ອງບັນຫາແມ່ນຍັງບໍ່ທັນພົບກັບບັນຫາໃຫຍ່ ມີພຽງແຕ່ສັດຕູພືດເລັກນ້ອຍມາກໍ່ກວນ ແຕ່ພວກເຮົາ
ກໍສາມາດປ້ອງກັນດ້ວຍການພົ່ນຢາຂ້າແມງໄມ້.

http://www.vientianemai.net/news.php?TopicID=1&NewsID=80

[PPPP]

1 ໄລ່ 1600​ ມ2