ເພື່ອເຮັດໃຫ້ຄອບຄົວຫຼຸດພົ້ນອອກຈາກຄວາມທຸກຍາກ ຕາມແນວທາງຂອງລັດຖະບານວາງອອກນັ້ນ ຄອບຄົວ
ຂອງທ້າວ ອຳໄພພອນ ດວງພະຈັນ ແມ່ນຄອບຄົວໜຶ່ງຢູ່ບ້ານນາຊັບ ເມືອງນາຊາຍທອງ ນະຄອນຫຼວງວຽງຈັນ ທີ່ສ້າງເສດ
ຖະກິດຄອບຄົວດ້ວຍການເພາະພັນລູກກົບ ແລະ ປາດຸກພັນ ເພື່ອຈຳໜ່າຍເປັນອາຊີບ ຊຶ່ງໃນເບື້ອງຕົ້ນລາວລົງທຶນປະມານ
5 ລ້ານກີບ ໃນໄລຍະເລີ່ມລ້ຽງທຳອິດ ເມື່ອ 5 ປີກ່ອນ ມີພໍ່ແມ່ພັນພຽງແຕ່ 20 ຄູ່ ຈາກນັ້ນກໍຄ່ອຍໆຂະຫຍາຍຕົວຂຶ້ນມາ
ເລື້ອຍໆ ເມື່ອຄວາມຕ້ອງການຂອງຕະຫຼາດເພີ່ມຂຶ້ນ ແລະ ບວກກັບປະສົບການໃນການລ້ຽງມາຫຼາຍປີ.
ຄອບຄົວທ້າວ ອຳໄພພອນ ດວງພະຈັນ ເຖິງວ່າຈະມີແຮງງານພຽງແຕ່ 2 ຜົວເມຍທີ່ເປັນຫຼັກ ໃນການລ້ຽງ
ແລະ ດູແລກົບ ແຕ່ກໍບໍ່ເປັນບັນຫາ ພຽງແຕ່ມີຄວາມດຸໝັ່ນ ມີຄວາມຮູ້ ແລະ ເຕັກນິກໃນການລ້ຽງ ໂດຍສະເພາະແມ່ນການ
ເພາະພັນລູກກົບ ຕ້ອງໄດ້ເອົາໃຈໃສ່ເປັນພິເສດ ໃນການດູແລ ແລະ ລ້ຽງໃຫ້ຖືກວິທີ ເປັນຕົ້ນແມ່ນການໃຫ້ອາຫານ ຕ້ອງເກືອ
ເປັນປົກກະຕິ ມື້ໜຶ່ງຕ້ອງໃຫ້ອາຫານປະມານ 8% ຂອງນ້ຳໜັກໂຕກົບ ແລະ ຄ່ອຍຫຼຸດລົງ ໃນເມື່ອກົບໃຫຍ່ຂຶ້ນ ເກືອປະມານ
4-5% ຂອງນ້ຳໜັກໂຕກົບ ຫຼືໃນມື້ໜຶ່ງອາດຈະເກືອ 2 ຄັ້ງ ແຕ່ຖ້າກົບຍັງນ້ອຍ ເກືອ 3-4 ຕໍ່ຄັ້ງ ຫົວອາຫານທີ່ນຳມາເກືອ
ກໍແມ່ນຫົວອາຫານປາດຸກພັນ ເພາະລາຄາຖືກກ່ວາຫົວອາຫານກົບ ເພາະຊ່ວຍຫຼຸດຕົ້ນທຶນໄດ້ອີກທາງໜຶ່ງ ນອກຈາກນັ້ນ
ການເອົາໃຈໃສ່ຫາທີ່ພັກ ຫຼື ບ່ອນງອຍໃຫ້ແກ່ກົບນ້ອຍ ໃນເວລາຫາງກົບຈະກຸດ ກໍເປັນສິ່ງສຳຄັນ ແລະ ອີກບັນຫາໜຶ່ງກໍຕ້ອງ
ໝັ່ນປ່ຽນນ້ຳທຸກມື້ ຈຶ່ງຈະເຮັດໃຫ້ກົບນັ້ນໃຫຍ່ໄວ.
ທ້າວ ອຳໄພພອນ ກ່າວຕື່ມວ່າ: ການເພາະພັນລູກກົບ ຈະເຮັດນອກລະດູປະມານທ້າຍເດືອນກຸມພາ ຫຼື ຕົ້ນ
ເດືອນມີນາ ຊຶ່ງພາຍຫຼັງເພາະພັນ ແລະ ຈະລ້ຽງໄວ້ 45 ມື້ ກໍສາມາດອອກຈຳໜ່າຍລູກກົບໄດ້ ໂດຍແຕ່ລະຊຸດຈະຈຳໜ່າຍປະ
ມານ 3-4 ພັນໂຕ ໃນລາຄາໂຕລະ 500 ກີບ ສ່ວນລູກປາໂຕລະ 200-500 ຂຶ້ນກັບຂະໜາດຂອງລູກປາ ສະເລ່ຍແລ້ວໃນແຕ່
ລະປີ ຄອບຄົວຂອງທ້າວ ອຳໄພພອນ ມີລາຍຮັບຈາກການຈຳໜ່າຍລູກກົບ ແລະ ລູກປາໄດ້ເຖິງ 20 ລ້ານກ່ວາກີບ ນີ້ກໍແມ່ນ
ຄອບຄົວໜຶ່ງ ໃນການສ້າງເສດຖະກິດຄອບຄົວ ແມ່ນການສ້າງລາຍຮັບເຂົ້າຄອບຄົວ ແລະ ທັງເປັນການພັດທະນາຍົກລະ
ດັບຊີວິດການເປັນຢູ່ໃຫ້ມີຄວາມເຂັ້ມແຂງ ຄອບຄົວມີຄວາມສຸກ ມີຊີວິດການເປັນຢູ່ນັບມື້ນັບດີຂຶ້ນເລື້ອຍໆ.
Dilber MC Theme by HarzeM