ໃຊ້ excel ໃນການຫາຄ່າສະເລ່ຍ ໃນວຽກການຜະລິດ

ມື້ນີ້ ກໍ່ມີເລື້ອງລາວຂອງ ການນຳໃຊ້ excel ມາເລົ່າສູ່ກັນຟັງອີກຕາມເຄີຍ.
ເທື່ອນີ້ແມ່ນ ກ່ຽວກັບວຽກສະຖິຕິແຜນການ.
ໃນການຫາຄ່າສະເລ່ຍ ແມ່ນເຮົາໃຊ້ ຜົນລວມຂອງການບັນທຶກ ຫານ ຈຳນວນການບັນທຶກ
ຕົວຢ່າງ
ມື້ທີຫນຶ່ງ ທິມງານ ກ ສາມາດຕັ້ງເສົາໄດ້ 10 ຕົ້ນ
ມື້ທີສອງ ທິມດັ່ງກ່າວ ສາມາດ ຕັ້ງເສົາໄດ້ 12 ຕົ້ນ
ຄ່າສະເລ່ຍຂອງການຕັ້ງເສົາ ແມ່ນ ເຮົາເອົາ ຜົນລວມ ຂອງ 2 ການບັນທຶກ ໄດ້ແກ່ 10+12=22
ຈຳນວນ ການບັນທຶກ ແມ່ນ ມື້ທີ1 ແລະ ມື້ທີ 2 = 2
22 / 2 =11

ໃນ function ຂອງ excel ມີ function ທີ່ມີຊື່ວ່າ AVERAGE(ການບັນທຶກທີ1: ການບັນທຶກສຸດທ້າຍ)
ພຽງແຕ່ ທາສີ ເອົາ ການບັນທຶກ ທີ1 ລາກໄປຫາ ການບັນທຶກສຸດທ້າຍ ເທົ່ານັ້ນ. excel ຈະກຳນົດຄ່າສະເລ່ຍໃຫ້ເຮົາເອງ.

ຖ້າຈະນຳເອົາສູດນີ້ມາໃຊ້ກັບການຜະລິດແທ້ໆ ກໍ່ຍັງມີອັນບໍ່ທັນໄດ້ດີ

ຖ້າເຮົາ ເອົາແຕ່ລະມື້ ມາເປັນການບັນທຶກ ຕັ້ງແຕ່ວັນທີ 1 ຂອງເດືອນ ຈົນເຖິງວັນທີ 30 ຂອງເດືອນ
ແລ້ວ ເອົາຜົນການຜະລິດ ໃສ່ເຂົ້າໄປແຕ່ລະມື ຈະພົບວ່າມີບາງມື້ ການຜະລິດ ເທົ່າກັບສູນ (ໃນການຜະລິດ ມັນມີມື້ທີ່ເຂົາຢຸດການຜະລິດ ອາດຈະພັກທ້າຍສັບປະດາ ຫລື ຢຸດການຜະລິດຊົ່ວຄາວ ແລະ ອື່ນໆ)
ມື້ທີ່ບໍ່ມີການຜະລິດ ຫລື ມີການຜະລິດເທົ່າສູນ ເວລາເອົາໄປສະເລ່ຍ ຈະເຮັດໃຫ້ຄ່າສະເລ່ຍ ຕ່ຳລົງ.

ຜູ້ທີ່ເພິ່ນມາຫາ ເພິ່ນບໍ່ຕ້ອງການໃຫ້ ເອົາມື້ທີ່ບໍ່ມີການຜະລິດ ເຂົ້າໄປເປັນຄ່າສະເລ່ຍນຳ, ເພິ່ນຢາກໄດ້ຄ່າສະເລ່ຍ ຈາກມື້ທີ່ທຳການຜະລິດເທົ່ານັ້ນ.

ເມື່ອເປັນແບບນີ້ ກໍ່ຕ້ອງ ອອກແບບກັນໃຫມ່.

ເລີ້ມຕົ້ນທີ່ ສ້າງແຖວທີ 1 ສຳລັບໃສ່ວັນທີ ຈາກວັນທີ 1 ຫາ 31 (ຈຳນວນວັນໃນເດືອນ)
ແຖວທີ 2 ສຳລັບໃສ່ການບັນທຶກ ຂອງແຕ່ລະວັນ. ທ້າຍ ແຖວ ໃສ່ຄ່າຜົນລວມ ດ້ວຍສູດ Sum
ສ່ວນແຖວທີ 3 ສຳລັບເກັບສູດ ທີ່ຕ້ອງນຳມາໃຊ້ໃນການຄິດໄລ່. ເຮົາຂຽນສູດໃສ່ ໂດຍໃຊ້ສູດ if ຖ້າວ່າ ການບັນທຶກ ຫາກ ຕ່າງຈາກ 0 ໃຫ້ຂຽນວ່າ yes ຖ້າບໍ່ດັ່ງນັ້ນ ໃຫ້ຂຽນ ຄຳວ່າ No. ທ້າຍ ແຖວ ໃຫ້ໃສ່ຈຳນວນ ມື້ທີ່ມີການຜະລິດ ໂດຍການໃຊ້ສູດ countif ນັບເອົາສະເພາະເຊລ ທີ່ມີຄຳວ່າ yes

ແລະ ສຸດທ້າຍ ຂຽນສູດ ເພື່ອຫາຄ່າສະເລ່ຍ average = sum / countif

ການຂຽນສູດ
=sum(ເຊລວັນທີ1:ເຊລວັນທີີ31)
=if(ເຊລເທິງ<>0,"yes","no")
=countif(ເຊລວັນທີ1:ເຊລວັນທີີ31,"yes")

	Author	Topic: ໃຊ້ excel ໃນການຫາຄ່າສະເລ່ຍ ໃນວຽກການຜະລິດ (Read 631 times)
0 Members and 1 Guest are viewing this topic.