ຊາຍສະຫວັນແມ່ນໃຜ

[ACSR]

ດັ່ງທີ່ ໄດ້ແຈ້ງໃຫ້ຮູ້ ວ່າຈະມີການແນະນຳກັນແລະກັນໃນບອດນີ້
ສ່ວນຈະເລີ້ມຈາກໃຜກ່ອນນັ້ນ ກະຂຶ້ນກັບໂອກາດ
 
ຊາຍສະຫວັນເປັນສະມາຊິກ ໃນເວບບອດມາດົນ ແລະ ໄດ້ ເຂົ້າຮ່ວມ ທຸກກິດຈະກຳຂອງທີ່ນີ້  ເບິ່ງຈາກ ຈຳນວນ post ແມ່ນຫລາຍ ແຕ່ຂ້ອຍຮູ້ຈັກລາວຫນ້ອຍທີ່ສຸດ ໃນບັນດາສະມາຊິກໃນເວັບບອດ
ແລ້ວລາວແມ່ນໃຜ ຄົງບໍ່ມີໃຜຮູ້ດີໄປກວ່າລາວ

ເອົາລະ ເຮົາມາສຳພາດຊາຍສະຫວັນກັນດີກວ່າ
 
1 ຊາຍສະຫວັນ ຫລິ້ນອິນເຕີເນັດມາດົນປານໃດແລ້ວ
2 ມັກເຂົ້າເວັບໃດແດ່ ທັງຂອງລາວ ແລະ ຕ່າງປະເທດ
3 ຕ້ອງການເປີດເຜີຍຕົວເອງຕໍ່ສາທາລະນະຊົນຫລືບໍ່  ຊື່ຊາຍສະຫວັນ ເປັນຊື່ແທ້ ຫລື ນາມປາກກາ
4 ໃຊ້ເວລາກັບອິນເຕີເນັດມື້ລະຈັກຊົ່ວໂມງ ແລະ ອອນລາຍຈາກໃສ ຄອມສ່ວນຕົວ ຄອມຫ້ອງການ ຫລື ຮ້ານເນັດ
5 ສົນໃຈຫຍັງເປັນພິເສດ ໃນອິນເຕີເນັດ ແລະ ໃນເວັບບອດເຮົາ
6 ບ່ອນທີ່ ຊາຍສະຫວັນຢູ່ ມີຄົນໃຊ້ອິນເຕີເນັດຫລາຍປານໃດ ແລະ ໃຊ້ໄປເຮັດຫຍັງ
7 ມີຄຳແນະນຳໃນການໃຊ້ອິນເຕີເນັດແນວໃດ ມາແນະນຳສະມາຊິກ ໃນບອດ ຫລື ໃນຫ້ອງການ
ເອົາເທົ່ານີ້ກ່ອນ  ຖ້າໃຜຈະສຳພາດຕື່ມ ກະເຊີນໄດ້

ຊາຍສະຫວັນ ຕອບດ້ວຍ

[AAC]

ມື້ນີ້ເປີດຄອມແລ້ວເຂົ້າໃຊ້ອິເຕີເນັດເຫັນໂພສ໌ທີ່ເວບບອດຂອງອ້າຍພະນົມສິນທີ່ສະແດງໂພສ໌ກ່ຽວກັບຊື່ຂອງຂ້ອຍທີ່ຖາມກ່ຽວກັບປະຫວັດຕົນເອງ ຂໍຕອບຕາມຄຳຖາມຂອງອ້າຍພະນົມສິນເລີຍເນາະ
ຕອບຄຳຖາມຕາມລຳດັບດັ່ງນີ້:
 ໑.  ຂ້ອຍຫລີ້ນອິນເຕີເນັດມາດົນແລ້ວຕັ້ງແຕ່ຢູ່ແຂວງຊຽງຂວາງມີຮ້າຍອິນເຕີເນັດຮ້ານດຽວຊື່ງແມ່ນຂ້ອຍເປັນຜູ້ບໍລິການ (  ຮ້ານຂອງເອື້ອຍ)  ເວລານັ້ນແມ່ນຍັງບໍ່ທັນມີຄວາມຮູ້ທາງດ້ານ IT  ປານໃດ ເອົາເປັນວ່າເລີ່ມແຕ່ປີ 2003
໒.   ເວບທີ່ມັກເຂົ້າທີ່ສຸດກໍ່ແມ່ນເວບຂອງຄົນລາວ ແລະ ເວບໄທ ເພາະວ່າສາມາດອ່ານ ແລະ ເຂົ້າໃຈພາສາ ສ່ວນເວບທີ່ເປັນພາສາ ອັງກິດກໍ່ແມ່ນຈຳພວກ Hotmail,yahoo .... ພິເສດເວບທີ່ເຂົ້າເປັນປະຈຳກໍ່ແມ່ນເວບ Ponmsin  ເພາະວ່າມີບົດຮຽນຫລາຍຢ່າງທີ່ຂ້ອຍໄດ້ຈາກເວບນີ້
໓.    ຂ້ອຍບໍ່ມັກປິດບັງຕົວເອງ ແລະ ມັກກ້າປະເຊີນກັບຄວາມຈິງສະເຫມີຊື່ທີ່ສະແດງອອກນັ້ນແມ່ຊື່ທີ່ພໍ່ແມ່ຕັ້ງໃຫ້ຕັ້ງແຕ່ເກີດພຸ້ນ ແລະ
໔.    ຖາມວ່າໃຊ້ອິນເຕີເນດຫລາຍປານໃດຕໍ່ມື້ ອັນນີ້ຂື້ນກັບກາລະໂອກາດ ຖ້າມີເວລາວ່າງຂ້ອຍຈະບໍ່ປ່ອຍເວລາເສຍໄປລ້າໆໂດຍບໍ່ມີປະໂຫຍດ ຂ້ອຍຈະຕ້ອງເຂົ້າຫລີ້ນອິນເຕີເນດ ແລະ ຊອກຄົ້ນຄ້ວາບົດຮຽນທີ່ກ່ຽວກັບວຽກງານຂອງຂ້ອຍເປັນຕົ້ນ ເລື່ອງການເກັບກຳຂໍ້ມູນ,  ການນຳໃຊ້ໂປຼແກຣມຕ່າງໆ ຂ້ອຍອອນລາຍຈາກ ແຂວງຊຽງຂວາງ ໃຊ້ຄອມຫ້ອງການ ເຊິ່ງວ່າຂ້ອຍຢູ່ກັບຫນ້າຄອມຕະຫລອດ
໕.    ສົນໃຈກ່ຽວກັບການນຳໃຊ້ບົດຮຽນທາງດ້ານ IT ເພາະວ່າຂ້ອຍມັກຫລາຍດ້ານນີ້ ແລະ ໃນເວບບອດຂອງອ້າຍພະນົມສິນໄດ້ຮວບຮວມບົດຮຽນທາງດ້ານ IT  ມາໄວ້ຂ້ອຍມັກຈະໄປເປີດເບິ່ງ ແລະ ຄົ້ນຄວ້າບົດຮຽນຕ່າງໆ ບົດຄວາມໃດທີ່ສຳຄັນແມ່ນຂ້ອຍຈະປຼິນອອກມາ ແລະ ເຮັດເປັນປື້ມໄວ້.  ນັບແຕ່ຂ້ອຍຮູ້ເວບຂອງອ້າຍພະນົມສິນຕອນນີ້ຂ້ອຍມີປື້ມ ທີ່ປຼິນຈາກບົດຮຽນທາງດ້ານ IT  ຈຳນວນຫລາຍຫົວແລ້ວ
໖.    ບ່ອນທີ່ຂ້ອຍຢູ່ຄົນໃຊ້ອິນເຕີເນັດ ສ່ວນຫລາຍຈະແມ່ນຂ້ອຍໃຊ້ຫລາຍກວ່າຫມູ່ ເພາະວ່ານັ່ງຢູ່ຫນ້າຄອມຕະຫລອດ ສ່ວນຄົນອື່ນ ບາງທີກໍ່ຍ້ອນຄວາມຮັບຮູ້ທາງດ້ານພາສາ ແລະ ບໍ່ມີເວລາ ເພາະວ່າ ພະນັກງານຢູ່ໃນຫ້ອງການຂອງຂ້ອຍສ່ວນຫລາຍຈະອອກໄປເຮັດວຽກນອກເລີຍບໍ່ມີເວລາສືກສາການນຳໃຊ້ ແລະ ອີກຢ່າງຫນື່ງການທີ່ຄົນສ່ວນຫນື່ງນຳໃຊ້ອິນເຕີເນັດບໍ່ແມ່ນໃຊ້ໃນທາງທີ່ບໍ່ເຫມາະສົມປານໃດຕາມການສັງເກດຂອງຂ້ອຍໃນເວລາທີ່ຄົນສ່ວນນັ້ນເຂົ້າມານຳໃຊ້ຄອມຂອງຂ້ອຍ. ແຕ່ກົງກັນຂ້າມສ່ວຍຂ້ອຍແມ່ນມັກຊອກຄົ້ນຄວ້າບົດຮຽນຕ່າງໆເພື່ອມາພັດທະນາຕົນເອງກໍ່ຄືຫນ່ວຍງານທີ່ຕົນເອງຮັບຜິດຊອບ
໗.    ຂ້ອຍກໍ່ແມ່ນຄົນຫນື່ງທີ່ມັກຊ່ວຍເຫລືອຄົນອື່ນຢູ່ແລ້ວ ຖ້າວ່າມີບົດຮຽນໃດທີ່ກ່ຽວກັບວຽກງານຫນ່ວຍງານນັ້ນຂ້ອຍຈະເອົາບົດຮຽນທີ່ຕົນເອງຊອກມາໄດ້ໄປອະທິບາຍເທົ່າທີ່ຕົນເອງຮູ້ ສ່ວນຫລາຍການນຳໃຊ້ອິນເຕີເນັດ ຫລື ຄອມພິວເຕີ ຂ້ອຍແມ່ນຜູ້ຫນື່ງທີ່ຮູ້ຫລາຍກວ່າຫມູ່ ແລະ ເມື່ອຄອມມີບັນຫາທີ່ແກ້ໄຂບໍ່ໄດ້ບາງບັນຫາທີ່ຂ້ອຍຮູ້ຂ້ອຍກໍ່ສາມາດແກ້ໄຂໄດ້ ແຕ່ຖ້າແກ້ໄຂບໍ່ໄດ້ຂ້ອຍກໍ່ຈະໂພສ໌ພາເວບຕ່າງໆເພື່ອຊ່ວຍເຫລືອ.  ຂໍຕອບເທົ່ານີ້ຖ້າມີຄຳຖາມຢາກຖາມກໍ່ຖາມມາໄດ້

[OS555]

 ກະວ່າ ເປັນເລື່ອງທີ່ດີ ເນາະ

1./ ວ່າແຕ່ ທ່ານ ຊາຍສະຫວັນ ເປັນຄົນຊຽງຂວາງຫວາ
-ຢູ່ແຖວໃດ ນະ.../*

2./ ອໍ່ແລ້ວອີກຢ່າງອາຍຸ ຈັກປີແລ້ວ ຕອນນີ້ນະ /*

3/* ຮຽນຈົບດ້ານໃດມາ ແດ່ /*

4./ ມີຄອບຄົວລະບໍ່ /*

5./ ຕອນນີ້ເຮັດວຽກຢູ່ໃສ /*

ເອົາຖາມໃຫ້ແລ້ວເດີ້ 

[AAC]

1.yes,my home town in Xiengkhouang province.i live Phonsaat shouth village
2.now i'm 30 years old
3.I finish Lao-Soviet technic friendship school (i'm not sure spell true) subject electricity general
4.I married i have one daugther
5.I work Electricite du Laos Xiengkhouang branch devision technical unit survey

[ACSR]

ຂອບໃຈ ຊາຍສະຫວັນ ສຳລັບ ຄຳຕອບ ທີ່ຫນ້າປະທັບໃຈ
ປະທັບໃຈທີ່ຄົນລາວ ກໍ່ຄືຄົນໄຟຟ້າລາວ ມີຄວາມຕັ້ງໃຈໃນການພັດທະນາຕົນເອງ ແລະພັດທະນາອົງກອນຂອງຕົນໃຫ້ກ້າວຫນ້າ
ທີ່ວ່າຮຽນໄອທີ ຈາກເວັບເຮົາ ກະແປກດີ  ເພາະບໍ່ຄ່ອຍເຂົ້າໃຈຄວາມຫມາຍ ບໍ່ຮູ້ວ່າເວັບເຮົາກະມີນຳເພິ່ນ
ປົກກະຕິຄັນເລື້ອງໄອທີ ແລ້ວ ແມ່ນ ຕ້ອງຄິດເຖິງເວັບຂອງ os555 -  Lao IT community
IT ຫລື Infomation technology ເປັນວິຊາການດ້ານຂໍ້ມູນຂ່າວສານ
ຄັ້ງຫນຶ່ງຂ້ອຍເຄີຍຖືກເລືອກໃຫ້ໄປຮຽນວິຊານີ້ ທີ່ ຮຮ ເອເລັກໂຕຣ ຮຽນເອົາຊັ້ນສູງ ຮຽນ 2ປີ  (ເອົາມາຫຍັງລະ ກະດຽວໄດ້ປະລິນຍາໂທແລ້ວ)
ເມື່ອນາຍແຕ່ງໄປກໍ່ຕ້ອງໄປ
ຕ້ອງມີການສອບເສງ ເສງເລກຊັ້ນສູງ, ພາສາ ແລະ ຄອມພິວເຕີ
ໃນວິຊາຄອມພິວເຕີ ກະວ່າຍາກ ເພາະເຮົາມັນມວຍວັດ (ບໍ່ແມ່ນວັດເສົ້າຫລິນດອກ) ເປັນໂດຍບໍ່ຜ່ານໂຮງຮຽນ ດ້ານທິດສະດີຈຶ່ງບໍ່ແຂງ
ໃນບົດເສງ ປະກອບດ້ວຍ ຄຳຖາມກ່ຽວກັບ ຮາດແວ, ຖານຂໍ້ມູນ, ເຄືອຂ່າຍ, ອິນເຕີເນັດ ..(ເວັບເຮົາກະເວົ້າເລື້ອງ ອິນເຕີເນັດ  ເຊິ່ງເປັນສ່ວນຫນຶ່ງຂອງໄອທີ)
ຈື່ວ່າມີຂໍ້ຫນຶ່ງຖາມວ່າ 1 kilobyte ມີຈັກ byte ຖ້າແມ່ນວິຊາໄຟຟ້າ 1 kiloX = 1000X ແຕ່ໃນ ໄອທີ ແລ້ວໃຊ້ບໍ່ໄດ້
ແຕ່ວ່າເສັງຜ່ານໄປໄດ້ ຜ່ານເຂົ້າຮອບສຳພາດ ແລ້ວກະ ເລີຍ ຕົກ
ກັບມາຖືກນາຍຮ້າຍ ນາຍວ່າເຮົາເຈດຕະນາ ບໍ່ຢາກຮຽນ ເຈດຕະນາຕົກສຳພາດ

[OS555]

 Thank For your Answer

*-*

How old are you two douagther  ?? hehe

I'm 20 years old 

[AAC]

 2 year old

[ພໍ່ອີ່ແຕ໋ວ]

ມີເມຍຈັກຄົນ?? ລູກກົກມີຜູ້ດຽວຫວາ 

[AAC]

I have one wife

[Studying]

ເອົາເປັນວ່າຊາຍສະຫວັນແມ່ນລາວຊຽງຂວາງ

[os55]

 Oh..oh... O.k

Too young

[PPPP]

ເປັນຫຍັງຊາຍສະຫວັນຈຶ່ງປ່ຽນນາມປາກກາເປັນ AAC

[Studying]

ຢາກຮູ້ວ່າແຕ່ລະມື້ ຊາຍສະຫວັນ Online ຢູ່ບໍ່?
Online ຫາແຕ່ບໍ່ເຄີຍຖືກຕອບກັບຈັກເທື່ອ

[AAC]

online ຢູ່.ແຕ່ບາງມື້ມີວຽກຫລາຍກໍ່ບໍ່ໄດ້ online.ສຳລັບຊ່ວງນີ້ຄົງຈະບໍ່ໄດ້ອອນລາຍແລ້ວເພາະຈະໄດ້ໄປເຮັດວຽກຢູ່ແຂວງຫລວງພະບາງ ປະມານສອງອາທິດຈິ່ງຈະກັບກັບມາ ອອນລາຍ ແຮ່ໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆ

[ACSR]

ຄືບໍ່ເຫັນຕອບ ວ່າເປັນຫັຍງໃຊ້ຊື່ AAC