ມາຮູ້ຈັກກັບ ບົວແກ້ວ (Ding)

[ACSR]

ດັ່ງທີ່ ໄດ້ແຈ້ງໃຫ້ຮູ້ ວ່າຈະມີການແນະນຳກັນແລະກັນໃນບອດນີ້
ສ່ວນຈະເລີ້ມຈາກໃຜກ່ອນນັ້ນ ກະຂຶ້ນກັບໂອກາດ ແລະ ໄດ້ເລີ້ມກັບ ຊາຍສະຫວັນໄປແລ້ວ
ບາດນີ້ ມາຮູ້ຈັກກັບອີກຫນຶ່ງໃນສະມາຊິກເວັບບອດເຮົາ ນັ້ນກະຄື ບົວແກ້ວ
 
ບົວແກ້ວ ເປັນສະມາຊິກ ໃນເວບບອດມາດົນ ແລະ ໄດ້ ເຂົ້າຮ່ວມ ທຸກກິດຈະກຳຂອງທີ່ນີ້  ເບິ່ງຈາກ ຈຳນວນ post ແມ່ນຫລາຍ
ແລ້ວລາວແມ່ນໃຜ ຄົງບໍ່ມີໃຜຮູ້ດີໄປກວ່າລາວ

ເອົາລະ ເຮົາມາສຳພາດ ບົວແກ້ວກັນດີກວ່າ
 
1 ບົວແກ້ວ  ຫລິ້ນອິນເຕີເນັດມາດົນປານໃດແລ້ວ
2 ມັກເຂົ້າເວັບໃດແດ່ ທັງຂອງລາວ ແລະ ຕ່າງປະເທດ
3 ຕ້ອງການເປີດເຜີຍຕົວເອງຕໍ່ສາທາລະນະຊົນຫລືບໍ່  ຊື່ບົວແກ້ວ  ເປັນຊື່ແທ້ ຫລື ນາມປາກກາ
4 ໃຊ້ເວລາກັບອິນເຕີເນັດມື້ລະຈັກຊົ່ວໂມງ ແລະ ອອນລາຍຈາກໃສ ຄອມສ່ວນຕົວ ຄອມຫ້ອງການ ຫລື ຮ້ານເນັດ
5 ສົນໃຈຫຍັງເປັນພິເສດ ໃນອິນເຕີເນັດ ແລະ ໃນເວັບບອດເຮົາ
6 ບ່ອນທີ່ ບົວແກ້ວ ຢູ່ ມີຄົນໃຊ້ອິນເຕີເນັດຫລາຍປານໃດ ແລະ ໃຊ້ໄປເຮັດຫຍັງ
7 ມີຄຳແນະນຳໃນການໃຊ້ອິນເຕີເນັດແນວໃດ ມາແນະນຳສະມາຊິກ ໃນບອດ ຫລື ໃນຫ້ອງການ
ເອົາເທົ່ານີ້ກ່ອນ  ຖ້າໃຜຈະສຳພາດຕື່ມ ກະເຊີນໄດ້

[ແວວຄຳ2]

ຂໍຖາມເພີ້ມເຕີມ:
1. ບົວແກ້ວ ສ້າງຄອບຄົວແລ້ວບໍ່ ?
2.ເຮັດວຽກນຳອົງການໃດ?
3.ຮູ້ຈັກກັບເວບໄຊ້ຂອງ ອາຈານ ພະໄດ້ແນວໃດ? ມີຜູ້ແນະນຳໃຫ້ ຫຼື ຄົ້ນຫາດ້ວຍຕົນເອງ ?
ເອົາລະ ເທົ່ານີ້ ກ່ອນເນາະ.

[Ding]

ດ້ວຍຄວາມຍິນດີ ທີ່ຈະແນະນຳຕົວເອງ:
ບົວແກ້ວ ເປັນຊື່ແທ້ ຂອງຂ້າພະເຈົ້າເອງ, ຂ້າພະເຈົ້າເຈົ້າເປັນຄົນທັງເຂດພິເສດໄຊສົມບູນເກົ່າ ປະຈຸບັນ ເຮັດວຽກຢູ່ໄຟຟ້າສາຂາແຂວງວຽງຈັນ ສຳນັກງານຕັ້ງຢູ່ ບ້ານ ໂພນຫມີ ເມືອງວຽງຄຳ ແຂວງວຽງຈັນ. 
ຂ້າພະເຈົ້າໄດ້ຮູ້ຈັກ ເວບ pnomsin ກໍ່ຫວ່າງປີກວ່າມານີ້ເອງ ແລະ ກໍ່ຮູ້ຈັກກັບເຈົ້າຂອງເວບນີ້ ທາງ Internet ປະຈຸບັນນີ້ກໍ່ໄດ້ເຈີກັນເລື້ອຍກັບ ທ່ານ ພະນົມສິນ ເພາະເພິ່ນເປັນຜູ້ຮັບຜິດຊອບສິດສອນພະນັກງານໄຟຟ້າ ໂຄງການ GPS ແຂວງວຽງຈັນ, ຊ່ວງນີ້ຄືຊິແມ່ນເພິ່ນວຽກຫລາຍຈຶ່ງບໍ່ມີໂອກາດໄດ້ຕຳຈອກກັນດົນເຕີບແລ້ວ.

ບ່ອນທີ່ຂ້າພະເຈົ້າເຮັດວຽກ ເລື່ອງ Internet ນັ້ນບໍ່ທັນກວ້າງຂວາງປານໃດ ບໍ່ທັນມີຄົນໃຊ້ຫລາຍເທົ່ທີ່ຄວນ. ສັງເກດເຫັນວ່າເຂດ ເມືອງໂພນໂຮງ, ແກ້ວອຸດົມ,ວຽງຄຳ ບໍ່ທັນມີ ຮ້ານເນັດຈັກຮ້ານເທື່ອ . ຂ້າພະເຈົ້າໃຊ້ Internet ກໍ່ແມ່ນໃຊ້ເຄື່ອງຂອງຕົວເອງ ຕອນຢູ່ເຮືອນເປັນສ່ວນໃຫຍ່.
ຂ້າພະເຈົ້າດີໃຈທີ່ໄດ້ຮູ້ຈັກກັບຫລາຍຄົນໂດຍສະເພາະສຳມະຊິກເວບພະນົມສິນ ເພາະສ່ວນໃຫຍ່ຈະແມ່ນຄົນໄຟຟ້າລາວ ເຊິ່ງກໍ່ໄດ້ແລກປ່ຽນຄວາມຄິດຄວາມເຫັນໃນເລື່ອງວິຊາການ ແລະ ກໍ່ປະສົບການຕ່າງໆ.
ຖາມວ່າ ຫລິ້ນ Internet ດົນປານໃດແລ້ວນັ້ນກໍ່ບໍ່ທັນດົນປານໃດ ກໍ່ຫາຊິຮູ້ຈັກຫວ່າງເຂົ້າມາສຶກສາຮ່ຳຮຽນຢູ່ວຽງຈັນ ປະມານ ສິບກ່າວປີມານີ້ ແຕ່ກີ້ຕອນຢູ່ບ້ານ ບໍ່ທັນຮູ້ຈັກ Computer ຊ້ຳ ດອກ.
ສຳລັບຄຳຖາມວ່າສ້າງຄອບຄົວແລ້ວບໍ  ແມ່ນສ້າງແລ້ວ ປະຈຸບັນຄອບຄົວກໍ່ຢູ່ ແຂວງວຽງຈັນ.
ຂອບໃຈ ທຸກທ່ານທີ່ໃຫ້ຄວາມສົນໃຈ ຍິນດີຮູ້ຈັກກັບທຸກທ່ານໃນໂລກ Internet ເພື່ອການຮຽນຮູ້ ແລະ ແລກປ່ຽນປະສົບການ ບົນເສັ້ນທາງການທຳມາຫາກິນ ໃນສັງຄົມນີ້.

[ACSR]

ຮູ້ຈັກ ເວບ pnomsin ກໍ່ຫວ່າງປີກວ່າມານີ້ເອງ

  ເວັບເຮົາເປີດໃຊ້ ວັນທີ 1/4/2006 ອາຍຸບໍ່ທັນຄົບ1ປີຊ້ຳ 

ເມືອງໂພນໂຮງ, ແກ້ວອຸດົມ,ວຽງຄຳ ບໍ່ທັນມີ ຮ້ານເນັດຈັກຮ້ານເທື່ອ

ແຕ່ເມືອງໂພນໂຮງກຳລັງຈະມີສະລອຍນ້ຳແຫ່ງທຳອິດຂອງແຂວງວຽງຈັນ(ເອະບໍ່ຮູ້ວ່າຢູ່ວັງວຽງມີສະລອຍນ້ຳຫລືບໍ່)  ແລະ ຟຟລ ສາຂາແຂວງວຽງຈັນ ກໍ່ກຳລັງຈະມີ internet ແລ້ວເດ ຂ່າວດີບໍ່ແມ່ນຫວາ

ຊ່ວງນີ້ຄືຊິແມ່ນເພິ່ນວຽກຫລາຍຈຶ່ງບໍ່ມີໂອກາດໄດ້ຕຳຈອກກັນດົນເຕີບແລ້ວ.

ຕຳຈອກກັນຄັ້ງສຸດທ້າຍ ເມື່ອປີໃຫມ່ສາກົນ

ຊ້ວງນີ້ ຕ້ອງຟ້າວແລ່ນຂຶ້ນລົດເມຕິເບາະ ເພາະລົດຖ້ຽວແລງ ມັນຫາຍາກ

ຫນ້າຈະຕອບໄປເທື່ອລະຂໍ້ເນາະ
1 ມັກເຂົ້າເວັບໃດແດ່ ທັງຂອງລາວ ແລະ ຕ່າງປະເທດ
2 ໃຊ້ເວລາກັບອິນເຕີເນັດມື້ລະຈັກຊົ່ວໂມງ ເປັນຫຍັງມັກນອນເດິກ ບາງເທື່ອ 2-3 ໂມງກາງຄືນຍັງເຫັນເຂົ້າມາຕອບກະທູ້ ພວກໄອທີ ທັງຫລາຍ ນັບທັງ Au8ust os555 ນອນເດິກກັນທັງຫມົດ ເປັນຫຍັງ?
3 ສົນໃຈຫຍັງເປັນພິເສດ ໃນອິນເຕີເນັດ  ໄອທີ? ສົນໃຈຈະເປັນເຈົ້າຂອງເວັບບໍ່ ? ຖ້າໃຫ້ບໍລິຫານເວັບພະນົມສິນ ຈະບໍລິຫານໄປແບບໃດ ເພື່ອໃຫ້ ມີຄົນເຂົ້າມາອ່ານຫລາຍຍິ່ງຂຶ້ນ ?
4 ເມື່ອມີອິນເຕີເນັດແລ້ວ ຈະແນະນຳໃຫ້ແກ່ພະນັກງານຟຟລແຂວງວຽງຈັນ ໃຊ້ອິນເຕີເນັດແນວໃດ ເພື່ອໃຫ້ເປັນຜົນດີແກ່ວຽກງານຫລາຍກວ່າເກົ່າ
ອັນນີ້ ແມ່ນ ຖາມຕື່ມ

[Ding]

ເອົາລະເພິ່ນຢ້ຳມາ ຕອບເພີ່ມເຕີມກໍ່ເພີ່ມ :
1. ເວບທີ່ເຂົ້າເລື້ອຍກໍ່ແມ່ນ pnomsin.hollosite.com, mahasan.com,inlao.net ...
ແລະອື່ນໆ. ສ່ວນຫລາຍຈະໃຊ້ໃນການຊອກຫາຮຽນຮູ້ທາງດ້ານວິຊາການ ແລະກໍ່ເຂົ້າເວບ ໂປ້ບາງຄັ້ງຄາວ ອິ..ອິ..ອິ.   
2. ກໍ່ບໍ່ປົກກະຕິໃນການເຂົ້າອິນເຕີເນັດໃນແຕ່ລະມື້ ແຕ່ກໍ່ເກືອບວ່າທຸກມື້ ບາງມື້ກໍ່ນອນເດິກຄືທ່ານພະນົມສິນວ່າແທ້.
3. ກໍ່ສົນໃຈຫລາຍຢ່າງ ທົ່ວໆໄປ . ທີ່ວ່າສົນໃຈເປັນເຈົ້າຂອງເວບບໍ່ ກໍ່ສົນໃຈຢູ່. ເວບພະນົມສິນມີລັກສະນະທີ່ເປັນວິຊາການທາງດ້ານໄຟຟ້າຫລາຍ ນອກນັ້ນກໍ່ມີ IT ...ອື່ນໆ.
ແຕ່ວ່າຈະບໍລິຫານແບບໃດນັ້ນກໍ່ຄົງຈະແບບທົ່ວໄປແຕ່ຂ້າພະເຈົ້າຄິດວ່າການເປັນເຈົ້າຂອງເວບມັນບໍ່ຍາກ ແຕ່ການທີ່ຈະເຮັດໃຫ້ເວບມີຄວາມສົນໃຈຈາກຜູ້ຄົນນັ້ນມັນຂ້ອນຂ້າງຍາກ. ແຕ່ຖ້າທ່ານ ພະນົມສິນຈະໃຫ້ບໍລິຫານແທ້ໆກໍ່ຈະລອງເບິ່ງ ແຕ່ຜົນຈະອອກມາເປັນແນວໃດນັ້ນຍັງບໍ່ຮູ້ ບໍ່ດີຂຶ້ນກໍ່ມີແຕ່ພັງ ເນາະ. ແນວໃດກໍ່ຈະຂໍຮຽນເອົາ.

ທາງໄຟຟ້າສາຂາແຂວງວຽງຈັນກໍ່ກຳລັງຈະມີ ອິເຕີເນັດໃຊ້ແລ້ວ, ທີ່ຜ່ານມາຍອມຮັບວ່າຍັງບໍ່ທັນກວ້າງຂວາງປານໃດ ປະຈຸບັນກໍ່ມີແຕ່ໂຄງການ GPS  ແລະ ພະແນກໃບບິນທີ່ຕ້ອງໄດ້ໃຊ້. ນອກນັ້ນເທົ່າທີ່ຂ້າພະເຈົ້າຮູ້ຄົນທີ່ໃຊ້ ອິນເຕີເນັດກໍ່ມີ ສອງສາມຄົນເທົ່ານັ້ນ ແລະພະນັກງານສ່ວນໃຫ່ຍຍັງບໍ່ທັນຮູ້ຈັກ ອາດເປັນເພາະທາງສາຂາບໍ່ທັນຕິດຕັ້ງ. ເມື່ອມີແລ້ວກໍ່ຄົງຈະດີຂຶ້ນຫລາຍ ຂ້າພະເຈົ້າກໍ່ຈະແນະນຳໃຫ້ທຸກຄົນທີ່ສົນໃຈໃນສິ່ງທີ່ຂ້າພະເຈົ້າຮູ້ ແລະສາມາດແນະນຳໄດ້ໃຫ້ຫມູນໃຊ້ເຂົ້າໃນວຽກງານໃຫ້ມີປະໂຫຍດສູງສຸດ.

[ACSR]

 ຢາກຮູ້ໄອເດຍທ່ານກ່ຽວກັບການບໍລິຫານເວັບ ແຕ່ບໍ່ຍອມບອກເຄັດລັບເລີຍ

[malenkii]

ໃນເມື່ອທ່ານມີຄວາມຕັ້ງໃຈທີ່ຈະຖ່າຍທອດປະສົບການທາງອິນເຕີເນັດ ໃຫ້ເພື່ອນໆພາຍໃນຫ້ອງການ ແມ່ນດີຫລາຍ
ທ່ານ ເຫັນວ່າ http://laobeginner.blogspot.com ເປັນແນວໃດ

[PPPP]

ເວັບບລັອກນັ້ນ ແມ່ນສຳລັບ ຜູ້ຫລິ້ນອິນເຕີເນັດມືໃຫມ່
ທ່ານບົວແກ້ວ ເພິ່ນຊຳນານແລ້ວ ເພິ່ນແນະນຳເອງໄດ້ ເພິ່ນກະຮູ້ເວັບໂປ້ຫລາຍເວັບຢູ່ ຄົງພໍແນະນຳໄດ້ 

[bounthieng]

ຂໍຖາມເພີ້ມເຕີມ:
1. ບົວແກ້ວ ສ້າງຄອບຄົວແລ້ວບໍ່ ?
2.ເຮັດວຽກນຳອົງການໃດ?
3.ຮູ້ຈັກກັບເວບໄຊ້ຂອງ ອາຈານ ພະໄດ້ແນວໃດ? ມີຜູ້ແນະນຳໃຫ້ ຫຼື ຄົ້ນຫາດ້ວຍຕົນເອງ ?
ເອົາລະ ເທົ່ານີ້ ກ່ອນເນາະ.

[noudsavanh]

ยินดีที่ได้รู้จัก